Georg Kolbe

Georg Kolbe (Waldheim, 1877ko apirilaren 15a – Berlin, 1947ko azaroaren 20a) alemaniar eskultorea izan zen.

Hasiera batean, margolaritza ikasi zuen Dresden, Munich eta Parisen. Mende aldaketan hasi zen Italian zizelkatzen, Louis Tuaillonen laguntzarekin. 1905ean Berliner Sezession-era batu zen eta 1913an Freie Sezession-era. 1929an Lilly Reich eta Mies van der Roherekin lan egin zuen Bartzelona pabiloiko eskulturan. Grabatuak ere egin zituen eta 1928ko Udako Joko Olinpikoetako eskultura lehiaketan parte hartu zuen.

Nazien hierarkek enkargu ugari egin zizkioten, baina Hitlerren busto bat egiteari uko egin zion. Francisco Franco diktadorearen busto bat egin zuen, eta arduradunek Hitlerri oparitu zioten.

Bere belaunaldiko eskultore figuratibo alemaniar garrantzitsuena izan zen, Aristide Maillolen antzeko estilo indartsu eta klasikoarekin.

Bere eskultura asko desagertu egin ziren konfiskazioaren, bonbardaketen edo gerran materiala erabiltzeko galdaketaren bidez. Wikipediatik informazioa lortu